Կարծում ենք, որ վերջին 30 տարիներին Ալիևների ահաբեկչական կլանի դեմ Արցախի պաշտպանության բանակի պայքարի արդյունավետությունը նկատելիորեն կբարձրանա Ռուսաստանի Դաշնության հակաահաբեկչական պատերազմների փորձի կիրառման միջոցով, որի հրատապությունը բխում է այն փաստից, որ ահաբեկչության սպառնալիքը վաղուց դուրս է եկել տարածաշրջանի սահմաններից, որովհետև 2020 թ. սեպտեմբերի 27-ի ագրեսիային ներգրավված են Թուրքիան և Մերձավոր Արևելքից բերված ահաբեկիչներ: Միշտ էլ լինելով ծայրահեղականների ու ահաբեկիչների որջ, որոնք Ալիևների ահաբեկչական կլանի հովանու ներքո հենակետեր էին ստեղծում Ռուսաստանի Դաշնության տարածքում ահաբեկչական գործողություններ նախապատրաստելու նպատակով, Ադրբեջանը սեպտեմբերի 27-ին պատռեց դիմակը՝ հենվելով Թուրքիայի բացահայտ աջակցության վրա: Հույս ունենք, որ ՌԴ շահերից է բխում Արցախ ներխուժած միջազգային ահաբեկիչներին հենց տեղում գլխովին ջախջախելը, մինչև նրանց Հյուսիսային Կովկասում անկայունության օջախներ ստեղծելու կամ դրանք գործարկելու նպատակին հասնելը:
